Xisbiga Cadaalada Iyo daryeelka ee Ucid ayaa maanta  magacaabay xilal kala duwan oo hore u banaana  kalana ah Xoghaye Guud iyo laba masuul oo kala ah Gudoomiyaha Olalaha Doorashooyinka Heer Qaran iyo Heer Gobol sidoo kale na waxa uu magacaabay Xoghaya Dhaqaalaha Iyo Xoghaya Difaaca iyo nabadgelyada magacaabidan ayaa waxa shir jaraa’id ka akhriyay Gudoomiye Ku xigeenka Xisbiga Ucid Mudane Aden Mire Waqaf.

Md Aden ayaa shirka jaraa’id ka sheegay in shir ay isugu yimaadeen gudida Fulinta ee xisbigu in lagu go’aansaday in xubnhan loo magacaabo jagooyinkan. waxaanu Alle SWT uga baryay in uu u fududeeyo xilkoodan.

Masuuliyiinta uu maanta magacaabay Gudoomiyaha Xisbiga Mucaaridka ah ee UCID ahna Musharaxa Xisbiga  Eng Faysal Ali Waraabe ayaa kala ah.

Muuse X. Maxamed Guuleed (Muse Inji) Xoghayihii Hore ee Ururka Suxufiyiinta Solja Xoghaye Guud .

Mudane Saleebaan Daahir Cabdillaahi (Dogox) Gudoomiyaha Ololaha doorashooyinka Heer Qaran.

Xildhibaan C/raxamaan Cismaan Caalin (C/raxmaan Dheere) Xogahayaha Difaca iyo nabadgelyada.

Mudane C/raxamaan Jaamac Xogahaya Dhaqaalaha

Mudane Maxmuud Cali Jiir Madaxa ololaha doorashooyinka heer Gobol ee Gobolka Maroodi Jeex